कोपरगांव:- शिंगणापुर येथील सहकारमहर्षी शंकरराव कोल्हे सहकारी साखर कारखान्याचे संस्थापक माजीमंत्री स्व. शंकरराव कोल्हे यांच्या प्रेरणेतुन व संजीवनी उद्योग समुहाचे अध्यक्ष श्री. बिपीनदादा कोल्हे, माजी आमदार सौ. स्नेहलताताई कोल्हे यांच्या नेतृत्वाखालील तसेच जिल्हा सहकारी बँकेचे संचालक, युवानेते श्री. विवेकभैय्या कोल्हे यांच्या मार्गदर्शनाखाली कार्यरत असलेल्या सहकारमहर्षी शंकरराव कोल्हे साखर कामगार पतपेढीच्या अध्यक्षपदी श्री उत्तम भानुदास शेळके तर उपाध्यक्षपदी श्री. सुभाष धर्माजी होन यांची नुकतीच बिनविरोध निवड झाली आहे. निवडणुक निर्णय अधिकारी कोपरगावचे सहाय्यक निबंधक श्री. एन. जी. ठोंबळ होते.
मॅनेजिंग डायरेक्टर श्री. बाजीराव जी. सुतार, साखर सरव्यवस्थापक श्री. शिवाजीराव दिवटे यांच्या हस्ते नवनिर्वाचित अध्यक्ष, उपाध्यक्षांचा सत्कार करण्यांत आला.
अध्यक्षपदासाठी श्री. उत्तम भानुदास शेळके यांच्या नावाची सुचना संचालक श्री. देवकर केदु देवकर यांनी केली तर त्यास संचालक श्री. सुदाम नामदेव उगलमुगले यांनी अनुमोदन दिले, तर उपाध्यक्षपदासाठी श्री. सुभाष धर्माजी होन यांच्या नावाची सुचना साईनाथ पंढरीनाथ तिपायले यांनी केली तर त्यास आण्णासाहेब वसंत पगारे यांनी अनुमोदन दिले. माजी अध्यक्ष श्री. साईनाथ पंढरीनाथ तिपायले यांचा यावेळी सत्कार करण्यात आला.
सत्कारास उत्तर देतांना नवनिर्वाचित अध्यक्ष श्री. उत्तम भानुदास शेळके व उपाध्यक्ष श्री. सुभाष धर्माजी होन म्हणाले की, सहकारमहर्षी शंकरराव कोल्हे सहकारी कारखान्यांचे युवा अध्यक्ष विवेक भैय्या कोल्हे यांच्या मार्गदर्शनाखाली काम करून सभासद कामगारांच्या अडी अडचणी सोडविण्यांस प्राधान्य देऊ.
या निवडीबद्दल माजी आमदार स्नेहलता कोल्हे, स.म.शंकरराव कोल्हे साखर कारखान्याचे उपाध्यक्ष श्री. राजेंद्र कोळपे, कामगार नेते मनोहर शिंदे, संजीवनी उद्योग समुहातील विविध संस्थांचे पदाधिकारी आदिंनी अभिनंदन केले निवडीच्या वेळी पतपेढीचे संचालक सर्वश्री. सुरेश मगर, विलास कहांडळ आदी उपस्थित होते. कार्यकमाचे सुत्रसंचलन व आभार व्यवस्थापक राजेंद्र सोनवणे केले.
