दिल्ली - भारत देशामध्ये सर्वात कमी मानधनावर काम करणारा वर्ग म्हणजे शालेय पोषण आहार कर्मचारी आहे. या कर्मचाऱ्यांना दर महिन्याला फक्त अडीच हजार रुपये मानधन दिले जाते.शिवाय या कर्मचाऱ्यांना दुसऱ्या कोणत्याच सुविधा दिली जात नाही.त्यांच्या या प्रश्नासाठी सम्यक फाऊंडेशन प्रणित श्रमिक मजदुर संघ शालेय पोषण आहार कर्मचारी संघटना महाराष्ट्र राज्य ही संघटना अहोरात्र काम करत आहे. या कर्मचाऱ्यांच्या विविध प्रश्नासाठी आणि मानधनात केंद्र सरकारचा हिस्सा वाढवून मिळावा यासाठी अहिल्यानगरचे खासदार मान.निलेश लंके साहेब यांना महाराष्ट्र सदन नवी दिल्ली येथे संघटनेच्या शिष्टमंडळाने निवेदन दिले. शालेय पोषण आहार कर्मचारी यांच्या समस्या या खूपच बिकट आहे.या समस्यांना लोकसभेत मांडून न्याय मिळवून देणार असे आश्वासन खासदार निलेश लंके यांनी संघटनेच्या शिष्टमंडळाला दिले.या शिष्टमंडळात संघटनेचे संस्थापक अध्यक्ष महेंद्र विधाते सर,राज्य समन्वयक सुभाष सोनवणे,राज्य समन्वय उत्तम गायकवाड,कर्जत तालुका अध्यक्ष सुखदेव कांबळे,जामखेड तालुका अध्यक्ष दत्तात्रय क्षीरसागर,राजेंद्र वाल्हेकर,मुकुंद सुतार, विकास गिरी,कोपरगाव तालुका उपाध्यक्ष ज्ञानदेव झिरपे आदि उपस्थित होते.
